<留言>

臨別留帖
出走東灜
闊別五日
星期三見

<悔>

很震憾的感覺。
一番由衷的說話，
教我知道失落時沒有人傾訴是多麼委屈。
剎那間浮現出懊悔，
令淚水如洩了洪一樣，
或許是太久沒有落過淚。
只能說一切已經太遲，
我亦感到無能為力，
很想擁有時光機，能夠回到過去。。
突然想起<童夢奇緣&t;裡大叔的說話。。
可悲的是人生沒有辦法從頭開始，
可喜的是人生根本不需要再走一遍。。
希望一切會平安無事，直到永遠。

<趙子龍>

談及歷史人物，
無容置疑，第一位非趙雲莫屬。
加上以前三國遊戲中把趙雲製成"疑似“劉華ICON後，
心裡無形地把兩者連繫起來。
適逢三國﹣見龍御甲上畫，劉華擔大旗演趙子龍，
作為趙雲ＦＡＮＳ真係無理由唔睇。
看完。。整齣戲無數敗筆。。
首先，趙雲出身由公孫瓚麾下變為投劉備義勇軍。無故改史實。
其次，整齣戲除了趙雲及虛構的羅平安之外，其他角色徹底多餘。。
最好笑的是，長板坡發生於荊州地帶，常山卻在曹操勢力范圍，
單騎救主後的趙雲竟然可以悠閒地返鄉下，
而鄉親又可以為佢大事慶祝。真係似古書講，趙子龍渾身是膽。。
還有的是，整齣戲過場太快，每個場景只是很快的交帶，
不如集中一兩個場景會比較好。
雖然咁多敗筆，
但。。
狄龍演既關雲長入型入格。
關張趙三人打架果幕幾好睇。。
如果你是三國或趙雲ＦＡＮＳ都不妨一看。
否則。建議你睇史泰龍。。

<敗>

自己負責的project已經kick-off。
雖然老細經常從中塞來額外工作，
但仍算趕得上進度。。
不過卻忙得連老細都不敢再“打攪“我。

拍著兩個小伙子，
真係發覺自己落後了很多。
仍然停留在Web 2.0最初階段。
提起xml竟然被兩個小伙子的JSON打得大敗而回。
看上去，
曾幾何時我也像他們有著自信，只是少了一份自大
真的想唱：只能說我輸了，也許是你怕了。。 -_-"

就這樣一場一場的敗陣。
卻令我獲益良多。
想當初決定用WEB-BASED做這個project，
其中原因是想借他們pickup一下新技術。。
雖然是辛苦，但卻覺得很充實。。
令心中的那團火重燃。

<日本>

失而復得的兩張免費機票，
促成五月既日本之旅。
一路以來對日本都沒有太大興趣，
尤其是東京這個SHOPPING 熱點。
但今次卻有點期待。
忽然間越來越多野想買。
想買錶，LOMO，袋，睇下FIGURE公仔。
想去下富士山。迪士尼啦。
又想食下仲郁緊既魚生，想試好耐。。
仲有日本拉面。聽講好正。
但就因為咁。
洗費方面竟然預留到可以去一個歐洲團咁。
睇黎去完要捱返幾個月面包啦。

呢幅比人偷拍既相。。又幾好喎。

<戰爭遊戲>

經同事多番游說下，終於一嘗打war game既滋味。
租左支陳年老槍，
同其他同事既裝備相比，真係相形見拙。
諗住佢只係個樣衰Ｄ。
點知。。（睇完下文唔好諗衰野。。）
初頭射極都射唔出。
聽同事講原來係要ＣＨＯＫ下先得。
ＣＨＯＫ左好耐，
聽到佢有Ｄ卡住既聲。
再試下，真係射得出。
但都只係一時射得出一時射空槍。
就係咁樣，我每射一野都要附近試下有無野出。
有時緊急關頭，跟本唔知有無射到出黎。
仲要比勁多白紋Ｅ蚊係咁針。
玩完之後蚊爛仲多過子彈傷。
所以，由此至終我都覺得槍係一樣好UNFAIR既野。
比我揀我都係選擇單打獨鬥好Ｄ