<腸胃炎>

腸胃炎x2
大大扣殺hp值,,,
死樣,殘樣,頹樣出哂黎,

<十一廿七>
今日又一中同生日,,
撞正要交interim report既緊急關頭,,
做到成四五點,,先交得,,
約左人六點半響沙田,,
但係未買禮物,,,
即刻走上logon買,,,
半求其咁揀左件,,,
即刻走去赴會,,好彩無遲到..
去沙角大排檔食,,勁耐無響果度食野,,好懷念,,
由於晏畫只食左個包仔,,勁肚餓,,叫左好多野,,都清哂,,
只後,,係近排一個例排動作,,
就係生日果個請食糖水,,哈~~又係許留山,,但65折,,勁抵..
之後陪壽星仔去西田行左陣,,試左件幾靚既皮褸,,
最近駛左好多錢,,,都係節制下,,乜都無買
返歸又要update埋個abstract..
響個shit FYP management system,,搵唔到位submit interim report,,
最後send email俾supervisor算,,

<驚 crossover 亂>
今日一位同事走埋黎,,遞上一張咭
睇完,,呆左,,
第一,,佢要結婚了,,
第二,,我同佢平時都無乜兩句,,
不過,,好彩,,唔係紅色炸彈,,而係去觀禮姐,,
最衰唔係熟人,,原果唔係會勁開心,,

又,,近排要理太多野,,思緒有d亂,,
放d考埋試於返個長假調整下先得,,

今日跑nike,,五點幾自己醒左,,
同阿哥出到美孚食早餐,,
響大家樂遇到態度極差既粉皮,,改去麥記食,,
出發入天水圍,,好多人,,好到時間掹掹緊,,
開跑,,我響幾頭既位置,,
今次淨係留左少少氣,,無好似跑半馬咁,,
唯一問題係膝頭傷患未好,,
過左終點,,個人時間應該係四十八分內,,
跟住,,響天水圍獻出第一次,,
然後順道去埋元朗買老婆餅返屋企,,,
竟然仲支力過上次跑半馬,,,睇黎真係老啦,,,

<通宵>
今日中同生日,,,
雖然星期六,,
但朝早返正職,,下畫返part-time,,
去join佢地已經成七點鐘,,
去左小肥羊食,,野食ok,,價錢比想像中平,,
每人百蚊左右落樓,,
可能大家都以為會好貴,,所以就住叫啦,,
原來budget係太約二百蚊,,平左好多,,
之後屈生日既肥仔請食糖水,,佢埋單都二百幾蚊,,仲貴,,哈,,
大家興起,,同關汝,肥仔,老鼠琳同威sir五條友唱通宵k,,
好耐無試過啦,,太懷念以前既生活,,
果晚勁精神,,差唔多唱足成晚,,
五點半左右走人,,先開始眼訓,,
游離狀態下坐火車返歸,,訓到十一點左右,,
同屋企人落街食飯後,,又要做hiwiki啦,,,

<一天假>

請左一日假,,
休息一下,,但亦清左好多野
起身去左踏單車,,
補返成個禮拜無做過運動既損失,,
跟住清左積聚成個禮拜既信,,
覆左應該要覆既幾封email,,
改完part-time份program,,
執下電腦d files,,
同阿爸阿媽食左餐飯,,,好耐無同屋企人食飯啦,,
再寫左少少 hiwiki,,
買埋中同份生日禮物,,,
嘩,,,其實我今日有無休息過呢,,

哈佬喂



返中學攪哈佬喂,,
今次參加人數超出預期好多,,
大家都好重視,,
成日忙個不停,,
我最終果晚只係食左少少野,,
扮木乃伊鬼嚇人,,細路話唔驚我,,吹脹,,
嚇人都幾好玩,,以前去鬼屋俾人嚇多,,
但原來嚇人都幾辛苦,,熱死,,
但見d人玩得開心,,都值既,,
最後完場清潔,,成日都咁忙,,
但見個event咁成功,,大家都好開心,,無計啦~~

成功考到,,
今次準備不足,,
實際可以話上星期先溫,,
但好彩有好多之前都掂過下,,
但交卷果刻都有D驚,,
分數比預期高,,
終於可以鬆返D,,

<影樓>

由於今日老細唔得閒,,
我可以唔駛錢去影樓影model,,
果度環境同打光真係唔錯,,
兩個model都ok,,
但係真係唔係好慣影女仔,,
總係覺得係好麻甩既行為,,,
不過,,響果度唔影相真係無乜好做,,
所以都影左成二百張,,

夜晚阿哥約左又去影相,,
其實實則係教佢女朋友用佢部D70s影相,,
去左澳洲牛奶公司食,,
d多士勁抵勁好味!

http://www.imagestation.com/album/pictures.html?id=2118640730&code=18894862&mode=invite&DCMP=isc-email-AlbumInvite

<疲>

近排睇黎虛耗過左d,,
記性差左d,
擒日做完份野,,save左,,
竟然唔記得upload就熄機,,
唉,,,重頭做過,,
就快老人痴呆啦,,

<目標>

定下目標,,我要在三星期內,,做好,,
- hiwiki
- 溫+考java
- 舊公司project amendment
看似mission impossible,,盡力啦,,,

又,,近排投資慾高漲,,
似本身勁忙既生活,,加上一點負擔,,
攞苦黎辛,,

<佣員>

近排少有地極厭惡一個人,,
他問我,,咁早就開工拿,,
他跟我說,,you are so hard working,,
他再問我,,你對眼唔支力架咩,,

心裡好想揼佢一身,,
但仍要笑臉仍人,,

一個新人,,
以為入左政府部門就可以做佣員,,
而家竟然都仲係咁既思想
too simple,, sometimes naive,,

<問我>

做gym,,換衫,,
無啦啦有條友問我,,
點樣可以keep到無肚腩,,
滴汗,,,,,

老細,,有target,,
問我追女仔意見,,,
更滴汗,,,,

<忙>
著手生產
Hiwiki, Vira, Hira 同Fira,,

踏入十月,,會開始忙,,
功課,,fyp,,freelance,,返工,,
鬼叫你窮,,頂硬上啦~

到中同鄉下 - 高流灣玩,,
第一日入到去成三四點,,
到埗即刻轉去塔門行下,,塔門真係幾靚,,
坐船返屋,,開始預備燒野食既野,,
未燒件衫已濕哂,,後悔帶唔夠衫,,
夜晚bbq+海鮮大餐,,d蟹同瀨尿蝦好正呀,,仲有糖水飲,,
食到超飽,,玩uno玩到2點,,訓前仲狂影咸魚相,,

第二朝六點半起身週圍影相,,
響山度發現左大佬 - 大蜘蛛+網一 set,,好似玩緊仙劍
食完早餐坐船出海游水玩排球,,
兩個鐘後返屋沖涼食最後午餐,,
最後三點搭船返西貢散band,,

返到屋企未夠一分鐘,,舊老細call食飯,,
勁支力,,本來想訓覺好,,但最後都出左去,,
飲完野,,食野,,仲無啦啦傾埋個contract,,
返屋企,,沖多次涼,,勁支力,,,訓覺~~

<行山>

第一次響三號風球同橫風橫雨下行山,,,
前一晚開始已經唔係咁想去,,
因為都唔係咁得閒,,而且仲落雨,,
不過約左同事,,廢時甩底啦,,

晨早去到集合,,都無乜野,,
行到上山,,超大風,,超大雨,,
成身連袋濕透唔在講,,
雨打落黎好似俾針拮,,
而且條路係山路,,無欄杆,,
見到前面條友差d俾風吹落山,,
都幾危險,,
不過有d似探險feel,,都幾得意,,
落山時響樹林行,,
仲好似去左熱帶雨林咁,,
隔離條河仲變左激流,,
真係勁過八號風球,,

就咁,,原本廿幾公里既路程,,
減到七,八公里就結束,,
真正行左兩個鐘都唔夠,,
不過勁凍,,帶去既衫都濕埋,,無得換,,
食完野即刻標返屋企沖熱水涼,,勁舒服,,

<疲,,中秋>

被羅湖口岸一大堆人餅嚇怕,,
同阿哥,佢女友響附近starbucks Hea,,
坐梳化,,好舒服,,
店員好親切,,仲請我地食月餅,,
但最後我地做左樣對唔住佢地既事,,哈,,
Hea到十一點,,打的去皇崗,,
唔,,,人少左好多好多,,
好快過完關,,
搭直通車去荃灣,,
再轉車返屋企,,
返到屋企成點鐘,,
沖完涼撻落床即刻訓著,,
過了一個疲勞的中秋,,

<阿爸留言:>

廚房有碗菜湯,,
雪櫃有隻熱狗,,
肚餓者請食之,,

好~

<聚會>

很少出席大型的討論會,,
而且仲俾人擺上枱,,坐響出面俾人公審咁,,
討論會不像預期般愁雲慘霧,,
至少,,我及一眾校友,,幾會老師都是心情愉快,,
有點,事不關己,己不勞心既感覺,,



好欣賞位急智師奶一句說話:我考下你智慧,,簡直拍爛手,,

被原本唔識既miss讚,,有點飄飄然,,
睇唔出原來佢都幾攪笑,,幾玩得,,

心情特別興奮,,表現出中學時代既一面,,
帶黎中文miss一句:其他阿sir,miss又話你成熟左既,,點解都仲係咁架,,
果晚,,不知為何,,的確有點情緒高漲,,

一大班人吃飯,,夾雜幾位相熟阿sir,miss,,
此情此景竟然重現,,,好懷念中學時代生活,,
又因high得滯,,一時醒唔起而衝口而出講錯一句說話,,
勁尷尬,,希望阿sir唔好嬲,,
睇黎我下次真係要回復返,,收儉下啦,,,

<月餅>

丟下書包,,打開雪櫃,,
大啖大啖的吃著月餅,,
這已是小時代的事,,
曾幾何時,,很愛吃月餅,,
因為它甜,,的確很甜,,
或許只有小時候才能與之相配,,,
現在,,人大了,,
即使今天放工看到枱上兩盒月餅,,
亦好像感到配不上那種甜的味道,,
也難怪年紀越大的人,,
越會成為活生生的飯桶,,無飯不歡,,
要從米飯中吃出甜味,,只能把它含在口中,,
這就像成年人生活中,,
在平淡中,,細味品嚐,,才能找得到快樂所在,,
慢,,才能得到甜的感覺,,

<Tag人遊戲,,,>

我被木可Tag中,,,

規則:
開始遊戲的人出一個題目，在自己的Blog上寫下答案，然後把題目丟給另外五個人，在文末附上這五個人的連結，並且到這五個人的地方留言。這五個被Tag 到的人，在自己的Blog注明(並附上連結)是從哪一個Blogger那裡傳來的題目，然後寫下答案，再去貼另外五個人，如此繼續下去。
(Quote from OR's blog)

我的怪癖:
-鐘意一個人去旅行
-放假唔痴家,,成日用圍逛
-一星期唔跑下步或游下水成身唔聚財
-每朝七點起身,,唔理駛唔駛返工
-飲醉左會唔識拉褲鍊(最近先知),,
-唔太鐘意講野,,不過而家好左好多
-睇意睇心理學書,,(可能隨時係心理變態)
-鐘意行路多過踏車,,無論幾遠,,但要過海另計,,
-無人響屋企會狂播演唱會dvd,,無論睇過幾多次,,
-做運動或聽歌期間成日會諗到d無聊野,,

係咁多住先啦,,再諗到先再加,,

被我TAG的人:
CYRIC(我淨係知呢個有BLOG),,,
麻煩搵人轉告,,呢個BLOG其實可以公開,,

<奇聞>

今日收到消息,,
近日某大新聞中的第二被告,,
竟然係我師弟,,,
噢~~~~痴q線,,

<千杯不醉>

初中同學聚會,,闊別好多年,,
對他們有點陌生感,,

唱k,,由於有人考到消防,,
又有人牛一,,
所以叫左兩打啤酒,,
見到佢地,,好似返返去中學時代咁,,

準時cut歌,,意猶未盡,,
落bar再飲過,,
兩round半打後,
又再兩round一打,,
不斷飲,,身邊已有人被隊冧,,
其實自己都差唔多係時候,,

再飲多陣,,
之後既事,,好矇糊,,
記得自己響bar個厠所狂嘔,,
記得自己去完厠所唔記得拉拉鍊,,要人代勞,,
記得俾人扶住去坐的士,,
記得自己行到一仆一碌,,
記得友人途中的一些說話,,
記得被人丟在床上,,

在友人家訓到九點幾起身,,
好彩友人唔係女仔,,如果唔係,,哈,,
我離開前拍了兩位友人,,
但他們似乎仍攤屍著,,

我踏出大廈,,神情呆滯,,
身上衣服被嘔吐物弄污,,
好似血蹟咁,,d人以為我岩岩殺完人,,
帶著少少意識去茶餐廳食早餐,,
食完個油多,,差d想訓著,,
雨,,著得好大,,,

只喝了一口咖啡,,賣單,,返屋企,,
訓到點幾,,
都幾辛苦,,仲唔知醉左後做左幾多羞家野,,唉

<寫人>

近排某人興寫人,,我又寫下佢先,,

佢係一個,,我覺得幾得意既人,,
我由半潛不浮既狀態浮上黎,,
或多或少,,都同佢有關,,

佢係一個好奇心幾大既人,,
而且好鐘意講野,,
有時你會覺得佢有d煩,,
但無左佢把聲,,你又會覺得差緊d野,,
有時你知道講野俾佢聽可能會全世界都知,,
但你都會不自覺咁講野俾佢聽,,
某程度上,,佢係一個幾好既傾訴(,唔係傾慕)對象

最重要係,,佢份人幾真,,
同佢做朋友幾舒服,,
記得聽佢講過一句:唔想講大話,
呢句,,簡直震憾,,印象深刻,,
簡直想當佢神咁拜,,

佢亦都係iq幾高既人,,
不過總係差d運氣,,
不過唔緊要啦,,
只要有能力,,一定會有出頭天,,

最後就係,,
呢個人,,差我一杯野飲,,差左接近一年
呢d朋友,,,交唔過,,哈!!

<wakeboard>

三個月無玩,,
竟然俾上次進步,,
今次可以半隨心所欲咁滑行,,
感覺爽好多,,
但今次個教練唔係好掂,,
船又少少殘,,
又無沖身設備,,
不過,,一分錢一分貨,,
要平,,,係咁架啦,,

<勇闖重慶>

今日同屋企人去左重慶食印度菜,
我同阿爸早到,,人唔太多,
環境都ok,
食物都幾好食,價錢亦唔太貴,,
尤其係燒烤類既tikki,,真係唔錯,,
個老闆係印度人,,識講廣東話,都幾nice,,
到家姐姐夫黎到,,開始多人,,
臨走仲成棚人響出面等位,,
幾得丫~

<完美>

講下d無聊野先,,

一個問題,,世上究竟有無完美,,
唔,,我原本都覺得無,,
但係諗諗下,,其實又唔可以話佢無,,
完美是存在,,但它只屬於你自己,,
學術d講,,it is specific but not generic,,

就係話,,A可能覺得C係完美,,但B就覺得C距離完美差好遠,,

specific既完美是可以逹到的,,但generic既完美係mission impossible

所以,,只要自己覺得完美,,就係完美,,唔駛理其他人點睇既,,

亦由此可見,,off-the-shelf既software係永遠都唔會完美,,因為佢地都係generic,,
大家都係唔好再買software啦,,,,

<尼泊爾>

跟人說我會到尼泊爾旅遊,,
人,,多數先會以奇怪的目光看你,,
再跟人說一個人起行,,
人,,總會眼凸之餘,,帶點擔心,,
有人更問,,為何要去這些不毛落後之地,,
其實,,就環境,,資源和民風而言,,
它,,比起已發展國家更為"先進"
它,,仍未受到外在世界污染,,
它,,仍是一片樂土,,

<改>

決定將旅行改期,,由明年三月改為今年十二月
buget+時間問題,,行程亦改了,,
由尼泊爾crossover印度,,
變為尼泊爾crossover西藏,,
預計行程為十五日,,橫跨聖誕,,
會花三分二時間在尼泊爾,,
其餘時間響西藏,,
可能會住響尼泊爾個未來之村做幾日義工,,
然後行幾日山睇雪山日出,,正~
趁呢排未開學無聊,,開始著手籌劃行程,,
計下budget,,定路線,,同安排local tour同住宿,,
仲有就係睇下尼泊爾歷史同而家狀況,,
希望到時政局穩定,,咁就可以依照行程出發,,
可以親自計劃咁多野,,其實都幾過癮,,
而且仲可以學到好多平時無機會知道既野,,
這亦是我喜歡自遊行的原因

唱~K~呀~

<磅>
看到液晶體顯示屏的數字在跳動,,
最後,,停了,,
停在那不在預期中的數字,,
我才知道我輕了超過了一公斤,,

<相>
呢排無乜影相,,,
開始諗唔到可以再post咩相上黎,,
快d好天啦,,
咁我就再出去返d新相返黎,,

<大雨>
今日,,好大雨,,,
但無影響我想出街既心,,,

一早起身,,,無聊地打發時間,,
最後蒲左出去,,
睇左個魔術展,,well,,唔夠半個鐘走人,,
跟住去書城打書釘,,
睇左幾本關於尼泊爾同印度既書,,

終於,,等到木可來電,,
折返會展,,用左個幾鐘行完個電腦展,,
臨走聲到我呢期幾鐘意既歌-童話,,既電子琴版,,,幾正,,
帶住雨梳蕉出返黎,,

去醫肚,,太肚餓,,
久違既哈迪斯,,算係既滿足既一餐,,

兩條人行去時代廣場,,行左陣木可就走,,
我繼續閒逛,,
原本無諗住咁早返,,但,,,
對鞋同條褲都濕左,,
而且,,過左一日都支力啦,,
支力,,,令我想家了,,

<問題>

今日阿頭同事無啦啦過黎問左我一個問題,,
假如一個數有幾條RECORDS,,
每條RECORD佔一定百分比,,
當然咁多條RECORDS加埋既百份比係一百啦,,
如果佢地分開計返自己既部份,,
又將個結果ROUND UP左佢,,
加埋有機會比原本個大數多,,或少左,,

我諗左陣,,講左一個好煩既做法,,
將每條RECORD計左自己果份,,唔好ROUND UP,,
然後跟據各自既小數點部份SORT左佢,,
咁然後加埋哂咁多條既整數部份,,
再將個大數減左個總和,,
剩返既就跟個SORTING逐個加一,,直至派哂,,
例如:大數係8
REC 1: 43%(3.44)
REC 2: 25%(2.00)
REC 3: 32%(2.56)
SORT完之後係2.56 > 3.44 > 2.00
咁加埋總數既部份,,係7,,
然後8-7,剩返1,,
所以將一加響REC 3度,,
最後結果係:
REC 1 = 3
REC 2 = 2
REC 3 = 3

唔知有無其他方法可以試呢?

<跆>

今日響sport complex,,
見到以前一齊練跆拳既同學,,
佢游說我返返去操,,
攪到我有d衝動想再練返,,
不過唔知副老骨頭仲聽唔聽洗,,
希望唔會俾人打到入廠啦,,哈~

<EDGAR>
每次認識新朋友,,
大多會問我EDGAR有甚麼意思,,
甚至有人索性把它讀成ANGUS,,,
我只是會答他們,,
無甚意思,,隨意挑了便是,,

其實,,根據本草江目既記載,,
EDGAR係解作快樂的戰士,
而王帝耐驚就話,,
EDGAR係持矛既勇士,,
這兩個解釋可是真的,,不是胡吹,,

但,,名字這東西,,
憑感覺就好了,,哪有得解釋,,

<新一頁>
發現左一件好白痴既野,,希望虛驚一場,,

最近有種感覺,,
覺得個日記好似多左好多人,,
係好多閒雜人等睇,,
就連一位唔知有無講夠十句話既人,,
都SEND ICQ黎話有睇我日記,,
有無攪錯,,
決定轉位,,,
加埋個TITLE,,

呢度將會成為自己既空間,,
響呢度,,只會有自己,,同好朋友,,

又再同中同一起,,玩過精神年齡測驗
己經第三次啦,,
唔記得左第一次結果,,
第二次係37歲,,
今次玩竟然係43,,,
死啦,,過多幾年,,
佢會唔會話,,"朋友,,你已死了"

<催婚>

好想一試做伴郎既感覺,,,
鎖定幾個目標,,
一於催婚,,
你地快d結婚啦~~~~~~~

<下一站印度>

對雲南既狂熱突然減退了,,
有衝出中國既衝動,,
下一站將會係尼泊爾同印度,,
暫定二月尾,三月頭出發,,YEAH~
希望自己無高山症,,
如果唔係響雪山度死左都無人知,,哈~

好想搵野做,,,
有無人有freelance出讓呀~~~

<痛>
是低估了影響力,,,
還是高估了自己,,,
痛,,,真的很痛,,

呼之不來,,揮之不去,,,

不再想了,,,



為何未能學會起舞便已抱緊你
誰料到資質不配合你
左腳舉起了便要別離
為何未能讓我衰老便要放開你
陪你跳通宵都夠力氣
請鑑別姿態美不美

為何未能待我差到讓我去憎你
捱到這傷口激發士氣
左腳高舉到白髮齊眉
為何未能待我好到沒法捨得你
頑固的車　追了萬里
先發現一早洩光氣

<八月天>

八月,,一個玩弄人的月份,,,
今天的感覺,,很奇怪,,
在無奈中卻有一份輕鬆感覺,,,
或許以往的步伐真的太沉重,,
但,,開始,,過程,,結局都是難忘的,,
還有什麼可以遺憾,,

願你愉快,,

好想放一個長假,,好想,,,好想,,,

<幸福>
一個無聊人forward左個game俾我呢個無聊人,,
http://vote.huayenworld.org/he/game/game.html

結果係,,

你的幸福指數:84-70% (竟然咁高,,)
現在的你,其實很幸福哦! (唔,,)
老是覺得自己不夠好看,不夠有錢(這個真,,),工作不夠好(我份工好悠),
另一半不夠愛你而且缺點又一大堆(唔,,哈~準)......
唉,是不是總覺得生活老是缺了那完美的一角.
也許你只是還未發現你所擁有的幸福而已!看看自己健康身體(頗啦,,),
身旁關心你的家人和朋友,另一半可愛的小缺點(也不錯,,只是間中放我飛機吧了)......
有時候我們只是擁有的很多,但是發現得太晚.
幸福的定義可以不只一種,試著開始珍惜你所擁有的一切,
你即將成為最幸福的人!

真係,,,原來我已經有福氣~

<畢業>
開始看到疏落的畢業生,,
穿著黑袍,,帶著四方帽,,
很懷念上一次自己穿上畢業袍的時候,,
仍是一臉稚氣,,
帶上萬聖節面具,,在校園四處拍照,,,
很幼稚,,,但幼稚得令人會心微笑,,
就這樣已過了兩年有多,,
想著,,不自覺地播上李克勤的開學禮,,,

同學各位找個位,這是你的開學禮
望前看想像戴著四方帽時多美麗...

<無題>

獅子成了萬獸之王,,
皇冠加冕在獅子的頭上,,,
皇冠以為獅子從此會很快樂,,,
但皇冠看到的,,只是獅子的一臉失落,,,
皇冠不明白為何獅子會有如此表情,,
因為從來沒有別的東西加在它的身上,,
然而,,皇冠只會在別人身上加上負擔,,,

<青蛙>
看到一個好有意思既故事,,,

從前有一個故事是這樣說的：
有一群青蛙在比賽誰能爬上最高的鐵塔，比賽開始了，一大群的青蛙看著那高大的鐵塔
議論紛紛：
「這太難了！我們絕對爬不到塔頂的……」、「塔太高了！我們不可能成功……！」聽
到這裡，有些青蛙便放棄了。
看著那些仍然繼續爬的青蛙，大家又繼續說：「這太難了！沒有誰能爬上塔頂的……」
就這樣你一言我一語，越來越多的青蛙退出了比賽。
但有一隻卻越爬越高，最後當其他的青蛙都無法再前進的時候，牠卻成為唯一到達頂點
的選手。
其他的青蛙都想知道，牠是怎麼做到的？於是便跑上前去詢問，才發現原來牠是個聾子！

<休息>
曾經聽人說過我,,
我是一個很怕浪費時間的人,,
又有人說過,,
我是一個不懂休息的人,,
的確如此,,
前陣子追捧著"醫道",,
全因劇中一句對白,,大概這樣,,
"人死後便是合上雙眼,,所以在雙眼張開時要走多點路,,看多點事"
這,,就是我所想,,

當然,,偶爾亦需要適當的休息,,
特別是在殘的時候,,便會毫不起勁,,
但,,休息亦要講求福份,,,
像我這樣,,一個醒了便不能再睡的怪人,,
或許只能望門興嘆,,

<殘>
今日,,
放工同事望左我一陣,,,
然後同我講,,
"過返個星期六日抖返下啦",,
下,,呆左,,乜我個樣好殘咩,,
唔得~~~~,,

晚上,,
大執一下頭髮同塊面,,
通常每個星期都會做一次,,
亦通常每次都攪成粒鐘,,
所以每次都響夜晚臨訓前做,,
做完,,,幾日頹氣盡消,,,

* * * * * * * * * * * * *

又,,諗住今個星期有得去唱k,,
點知最後都係落空,,,

呢個星期忙個JAVA試同度個FYP,,
真係幾心力交瘁,,
原本越諗越唔掂既FYP,,響睇左本PROGRAMMER之後
忽然諗到個幾有趣既做法,,
用返阿柯果句,,
本PROGRAMMER真係好似THOMAS講既野咁,,"無用得黎又有D啟發性"
幫新構思到既FYP暫時改左個名,,BRICK,,
無錯,,係積木,,因為個IDEA係要做到好似砌積木咁,,
不過都要問下老細個睇法先,,話唔定俾佢BEND就有排煩,,


(上面張相隻馬騮,同傻豹積木人係分開影架,,好攪野,,
特別鳴謝models:阿哥隻馬騮同傻豹,同積木人落力演出)

叉燒出門一個星期,,好食好住,,
可能會變左個"豬炳頭菌"返黎,,哈,,

<撞鬼>
1)不斷地撈到一隻唔存在既record,,
2)看到一個不尋常既email account,,
3)響city見到捲髮長及肩既占士,,
4)刮損在個鼻,,

Refined FYP brief description(1)

Orpakho - For Your Interest Please!

Ideal target: build workable JAVA code
Workaround target: build compilable JAVA code

Project consists of six parts, each of which represents an individual phase in schedule planning:

I)GUI(Struts) component: (Tentative man-hour: 120)
This component allow user to modelize their business cases via web's GUI. Upon entering of all information about the requirements, a xml generator will be invoked for further processes to generate xml file, in which all information input will be represented as xml tags. This component will be built using Struts and JAVA.

II)XML generator: (Tentative man-hour: 50)
This component will be invoked by Part I for generating xml output file. JAXP will be used for development.

III)XML parser: (Tentative man-hour: 50)
This parser aims to interpret information from xml file and pass to next component for generating JAVA code. Still, JAXP will be employed for this part.

IV)JAVA code maker: (Tentative man-hour: 100)
In this part, the information parsed by the previous will be received, and, according to the information, JAVA codes in Struts format will be built in specific location.

V)Automated Deployer: (Tentative man-hour: 80)
The codes built in Part IV will be deployed in this part into a Tomcat server automatically. ANT would be used as deploying tool in this session.

VI)Logic parser: (Tentative man-hour: may not be completed, depends on progress)
a logic parser will parse all information named logic in xml, and try to interpret the meaning so as to build appropriate workable codes.

<演唱會>
今日太攰(其實日日都係),,準時放工,,,
返到屋企,,見到阿爸,,呆左,,,我以為入錯屋,,
阿媽見到我表情,,即刻笑左出黎,,
忽然醒起,,今日阿爸阿媽去睇徐小鳳演唱會,,
即時覺得阿爸一身打扮好得,,,簡直好似佢上台唱咁,,
遺憾係唔記得同阿爸影張相,,再問佢拎簽名..

阿爸阿媽走唒,,又得返一個人,,
呢d時候我會開著部電視,然後放演唱會dvd,,
再開著部電腦整下野,,食下野,,,
正~~

<好人>
近期很喜歡一首歌,,
無法解釋,,
始終對像<愛神>一類的歌有種情意結,,
這首歌與<愛神>同樣收錄在mp3內,,
居於<愛神>之後成為熱唱榜第二位,,,
令到k癢又起,,,

<冰藍>
一直都被那種冰藍色吸引著,,
那種顏色,,就是當你把頭潛進水中,,
透過泳鏡,,看著陽光照射下的粉藍色瓷磚,,,
它,,總給人一種冷冰感覺,,
但它並不是經常都會出現,,
只有在泳客少,,水溫較涼的時候才會出現,,
今天,,又給我碰上了它,,,
沈醉在這顏色中,,我手腳只是無意識地划動著,,
腦中彷似入定般圍繞著不同的事,,
這時是最舒服,,亦是最危險的時候,,,
就這樣,,一聲巨響,,一隻倘大的手給了我頭部一個迎頭痛擊,,,
我感到撞擊力不弱,,,但我仍沒有停下,,只是希望不致於頭破血流,,
這樣陶醉在那冰藍的,清靜的世界中,,已沒有計算游了多少距離,,
停了下來,,四周大概有人會向我這位不斷游動的人投以奇怪眼光,,
但我卻是精神抖擻,,,

<潑水>
阿媽話,,家姐下個月去新加坡,,
跟住又話,,阿哥十月去北京,,,
(下~唔係呀麻~乜呢排咁興去旅行呀,,,)
都係阿爸好,,安撫我,,己經儲夠二萬五里數俾我去雲南,,
阿媽插咀,,我又去,,
我話,,,雲南舟車勞頓唔岩你,,你同阿爸去台灣啦,,
阿媽話,,去雲南有人向你潑水你唔好潑返佢呀,,唔係你返唔到黎啦,,
(well,,有人向我潑水,,我唔會潑佢,,但會打佢,,,哈..)
阿爸講得仲攪笑,,咁又唔會返唔到黎,,佢唔得困住你咩,,大不了咪娶左佢返黎,,
(well,,,,,,,,,,,,,,,,,,,,,,,,,,,,,,,,,,,,,,,)

<妒忌>
久違了的大同,,
有人頭髮變得花白,,
有人的眼下掛著脹大了的小包(然後指著我,說我沒有眼袋),,
他們工作忙碌(然後指著我,以為我不用工作似的),,,
的確,,他們沒有太多的時間,,
沒錯,,我活像百無聊賴,,
但我羡慕他們,,因為他們~~有得去旅行~~
有去英國,法國的,,,去北海道的亦有,,好多姿多采丫!!!!!
妒忌得失聲,,,(orpakho指著我,,說是兩匙薑茶惹的禍!!啤~)

<掩飾>
為了與男孩約會,,女孩決定把平凡的臉孔修飾一下,,
美容師指了左額角說,,這點疤痕應該要遮掩起來,,
她再指了右臉頰說,,這處應該再補一下妝,,,女孩容光煥發



為應付高官蒞臨,,老闆們決定把辦公室整理一番,,
大老闆指了牆壁說,,這處應噴上新的油漆,,
再向地面指著說,,這兒應放上鮮艷的地毯,,,辦公室煥然一新

美,,,是要建基於掩飾上的,,,

<廿二牛一>
今日同中同賀生日,,
去左尖東唱k,,由於身為主角扮大牌遲到,,所以去到已經拎左房,,係一間好細...好細既房,,
例牌唱k食buffet,,野食都幾多款,,都ok喎,,
唱左兩粒鐘左右,,壓軸到啦,,各臣子朝貢之時,,
今年收到,,
一支mask(The face shop) + columbia 游水裝備袋,,
一條皮帶(scene),,不過不失
一件唔係我style 既nike 背心,,初時以為好細,,但著左去跑步都幾岩身,,
另外一份報銷,,因為事主都係主角之一,,佢竟然以為大家互相抵銷唔駛送,,,啤~
不過,,都多謝大家既禮物,,真係,,做主角最開心,,

今年第一次唔係正日同中同過生日,,梗係啦,,呢d咁重要既日子緊係留俾更重要既人啦,,哈~

<兩則對話>
甲:有無溫sigma freud呀? (sigmund freud至真,,)
乙:哦,,係咪講果三個environmental crimes果幾個theory呀,
丙:唔係呀,,係講魔鬼與天使果d呀(well,,,睇戲咩,)
乙:哦,,原來係果個,,死啦,,唔記得點串sigma freud添,,(鬼考你串佛記個名咩..)
丙:好似係咩freud咁啦,,,

受害人:嘩,,今日好曬呀,,
師奶A:係呀,,你就慘d,,你上面咁少頭髮,,
受害人:(少許變臉,裝作若無其事)哦,,係咁架啦,,人老左係越黎越少頭髮,,
師奶B:你都係唔好剪咁多上面啦,,,(隨之而來係師奶A+B+C的賤笑)
(路人D此時雖然有點忍俊,但亦為自己頭上開始稀疏的頭髮而自卑,並向三位師奶投以鄙視眼光..)
(路人E由開始至今仍是目無表情..)
受害人:(繼續死撐)係咁架啦,,無辦法,,
電梯門開了,,受害人獲救,,但面色看上去有點深沉,,,
受害人離開後不久,,
師奶A:佢好似越黎越少喎,,
師奶C:係啦,佢以前都無咁少既,,,
電梯門再開了,,三名師奶施施然步出,狹著可怕的笑聲,,
電梯門再度關了,,電梯裡再次沉靜,,,我望了路人D和E一眼,,
世上最可怕的人,,名叫"女人",,

<飽>
難得阿媽煲咖哩,,
今日放工游完水就去taste掃貨,,
買左一支法國2001梅鹿紅酒,三條法個包,,,
返到屋企,,差唔多下畫四點,,開餐,,(因要就阿爸返工..)
好肚餓,,一開始掃麵包,,食左好多,,
跟住再黎兩大碗米粉,,,
同場壓軸仲有原隻蟹仔,,,嘩,,,正,,,但係食到飽死,,,

食完隔左兩個鐘,,個肚都仲頂頂地,,
諗住去跑步,,點知跑唔到,,變左散步,,
估唔到食得太飽仲辛苦過肚餓,,都幾拆墮,,
p.s.(跑/散)步時見到部好靚既車,,簡直一見鐘情呀,,
地位即時超越原本排響榜首既白色jeep仔,,

<Find Your Page>

開始著手掂番FYP,,,
原本對於揀左做FYP呢個決定有d後悔,,
如果唔做,,可以他他條條咁過埋最後一年,,,至少GPA少了一點危機,,
但,,我相信唔做都係會響度呻,,,只係呻既野唔同,,,
而且都未試過做one-man project,,體驗下都好,,
始終齋讀書唔落手做都係有d悶,,,
今日search過下有關re-engineering既資料,,,發現自己個topic都未係太firm,,
個schedule都幾緊,,時間無多,睇黎要下多d苦功啦,,,
(P.S.隔離幅漫畫係reference自一個網站)

<閒想...>
病房內三位剛過身的病人,,,
他們的靈魂相遇了,,,
他們互望了,,每個靈魂都有著不同的想法,,,
旅遊家想: 我一生飄泊,為何不能像他一樣讀多點書,,至少現在可以帶走智識,,,
博士生想: 我苦心研讀,到頭只能留下丁點財富給家人,,早知像他一樣努力賺錢,,,
富翁想: 我雖然百萬家財,但卻沒有走到過世上任何一角,對這世界卻如此陌生,,何不學他周遊列國呢,,



他們都懊悔了,,對,,他們都同樣忘記了一些事情,,,

昂貴的牛一
今日有人牛一,去左尖咀某間泰國餐廳食buffet,,,
甫進去,,一個字,,靚
試埋野食,,加多個字,,正
總括黎講,,都係一個字抵,,
的確,,係好抵,,直至賣單之前我已經講左幾次抵字,,
好啦,,賣單啦,,,張單一睇,,,四位數字,,,八個人,,都正常既,,
睇真d,,差唔多二千,,,
嘩,,,眾人嘩然,,都無計,,,唯有清袋,,,
眾人隨之矛頭指向某人,,,全因某人虛報價錢,,又話百零蚊仲有八五折,,,好野!!!
結果,,,一個牛一,,禮物,蛋糕連食飯,,,損失四張紅紙,,真係夠哂吉利..
最慘既係,,,我買既禮物竟然同有人女友既撞到正,,,真仆直...

藉著雨點燒雞翼
今日校友會活動既口號由燒雞翼@新翼,,
改為,,藉著雨點燒雞翼,,,
不過都好,,無咁熱,
而且仲俾我有機會拎住一部成四皮野既相機影相 ,,,
如果呢部機俾左我,,,我諗我都影唔到相,,,
大佬呀,,拎住佢都手震啦,,
不過支鏡頭都幾體貼,,
大大隻字寫住"Vibration Prevented",,
一個字,,,勁呀.
攪到我部70仔相形見拙,,
不過用慣用熟,,都係還是覺得你最好

Classical Conditioning
響一個網站睇到一篇關於Classical Conditioning實驗既文章,,,
雖然係幾變態,,,
但真係幾有趣,,,
原來人既心靈真係好脆弱架,,,