<慶生2009>

一連串的慶生活動終於圓滿結束。
生日節目已完，
又交了吉給租客，
頓時有一種失落。
有一種打回原型的感覺。

Anyway,
今年的確過了一個很難忘的生日，
一個充滿驚喜的約定，
要多謝一班老死之餘，
當然最感激係統籌人妃子啦。
我真係好鐘意呢份生日禮物呀 @3@

除此之外
要多謝大同們嘅慶生宴，
好耐無同你地食飯呢!!
仲有舊同事既慶生飯局，
最後亦要多謝阿爸阿媽，
同我地去左個澳門遊。

唉。。又老一歲，
三張都黎緊啦。。↑＿↑

<裝修>

今日無事做去左新屋，
向師父學髹油同省鋁窗。

其實我都幾鐘意髹油呢個工作，
幫自己間屋髹油有種好ＷＡＲＭ既感覺，
睇得電視太多啦。。

我，阿爸同師父三條麻甩佬／仔
赤身上陣，
間屋即刻變左好似ＧＡＹ ＢＡＲ。
我用左一個鐘，
將本身殘舊的鋁窗變到驟眼好似新既一樣，
然後師父教我髹油，
髹完個廳，
即刻醒神哂。GOOD!!

一路做一路吹水，
發覺同佢都幾啱傾。
佢都講左好多人生道理。
始終響第一城工作幾十年，
經過九七，沙士，大起大落，
好多事都睇通睇透。
呢個師父雖然做野慢慢黎，懶懶行，
但真係交突功課（儘管我覺得鋪磚有啲位手工一般。）

一天工作完了，
每天只做一件事!!