<新屋>

新屋裝修接近尾聲。
啱啱亦搵到租客認頭。
八月起租，
Perfect Timing。

由上前北上買燈那刻，
一直都很期待裝上的效果。
始終這盞燈是芸芸裝修options中最稱心的一樣。
亦都慶幸自己無為左慳少少錢而求其買另一盞燈。
終於明白千金難買心頭好的道理。
其實三百蚊都唔係好貴姐。
只係最近有點莫財吧了。

<打蝶>

最近好有衝動打蝶。
連下著毛毛雨也淋熄不了這團火。
冒雨打蝶。
蝶就打唔到，
反而係送獅入蚊口。
上了Important Lesson。
汲取教訓。
聽日再戰。

<沙龍>

醫神作曲既龍友歌。
近期至愛。。

對焦 她的愛 對慢了 愛人會失去可愛
記低 這感慨 世事變 有沒有將你淹蓋

只一格 經典的偶遇已 不再 儘量框住目前大概

留住 溫度 速度 溫柔和憤怒 凝住 今日 怎樣 好
捉緊 生命濃度 坦白流露 感情和態度
留下 浮光 掠影 飛舞

每張 都罕有 拍下過 記住過 好過擁有 光圈愛漫遊
眼睛等色誘 有人性 鏡頭裡總有豐收

雖則那 即影即有售罄 菲林都已拆走 但是衝動用完 又再有

留住 溫度 速度 溫柔和憤怒 凝住 今日 怎樣 好
捉緊 生命濃度 坦白流露 感情和態度
停下時光 靜止衰老

登高峯一秒 得獎一秒 再破紀錄的一秒
港灣晚燈 山頂破曉 摘下懷念 記住美妙
升職那刻 新婚那朝 成為父母的一秒
要拍照的事 可不少

音樂 話劇 詩詞和舞蹈 揉合 生命 千樣好 攝入相部
絢爛如電 虛幻如霧 哀愁和仰慕
遊樂人間 活得好 談何容易
拍着照片 一路同步 坦白流露 感情和態度
其實 人生並非虛耗
何來塵埃飛舞

<妃子誕09 - Part II>

妃子誕Part II重頭戲，
登登登櫈。。
就係澳門之旅＋SHE演唱會啦。

第一次在“海外“睇演唱會，
基本上出得埠就通常都唔會坐定定，
不過澳門去過咁多次就無問題啦。
一路都覺得ＳＨＥ是唱得唔錯，
我覺得這是台灣跟香港的分別，
在台灣，無論個樣係好係醜，
唱功總會是出得大場面。
在香港。。不用說了。
一切還好，
只是位置比預期的遠。

除了演唱會，
今次澳門遊的主題是博物館。。
因為。。實在太熱啦。。
熱到有Ｄ融融地既感覺。
加上星期六跑完步大腦缺水，
有Ｄ頭痛↑＿↑

去了海事，澳門，賽車及紅酒博物館。
幸而除了澳門博物館，
其餘三個我都未去過。
未至於悶死。
只係揀左杯好難飲既酒。↑＿↑

手信方面我都無興趣，
一來買來買去都是那些。
二來。。又一次。實在太熱。
師奶質塊豬肉乾比我我都唔想食。

黎緊又會有一個Family Macau Trip。
好耐都無同過阿爸阿媽去旅行，
今次去澳門駕輕就熟。
只希望唔會再咁熱啦。

<動>

好幾年沒有試過做運動做到有咥息既感覺。
追朔返應該係以前返跆拳既時間。
或者幾年前的我還是應付自如，
但今日結果卻是一個警號，
由現在起不可以再懶懶行，
唔係第時真係郁下都唔想。
今次真係久休復出，
我要為健康而努力,
提早賣懶。

<北上>

今日意想不到的返大陸睇燈，
見到一大個ＡＲＥＡ全部賣傢俬電器，
也難怪咁多香港人返大陸買料。
雖然我地只是想找一盞燈，
但也足足行了兩三個小時。
最後雖然超出了少少預算，
但卻買了三位戰利品。
超靚小水晶吊燈，($310,有十蚊是死𠼱返黎。)
很靚小水晶牆燈，($110,其實應該可以平Ｄ。）
靚靚小圓型吊燈。（$35，抵。價都好似無講。。）
買埋張櫈就係“燈燈燈櫈“啦。

然後匆忙地去書城買書，
大約一個半小時內兩人掃了八本書，
承惠三百幾，
不過真係有排睇。

好順利地完成北上購物之旅。
呢排洗費太大，要發窮惡啦。。

<妃子誕09 - Part I>

緊接著忙碌嘅考試生活，
又是一年一度的妃子誕啦。
由於時間關係，
今年妃子誕分為上下部份，
上半部份已經完滿結束，
總括而言，
雖然“美男廚房“的自製蛋糕ＰＡＲＴ失了不少分，
其他卻在很特別的際遇下順利完成。

第一次到蓮香樓飲茶，
遇到勁Nice既伯伯嬏嬏同枱，
數十年的老茶客，
不斷的撩我們吹水，
剎那間氣氛變得很特別，
聽他們說出陳年往事，
諗起人老左可以每天無事到茶樓與老茶客吹水，
生活總比嘉誠哥幸福得多，
離開的一刻真是有點依依不捨，
畢竟我們當過了一刻的茶友呢，
古舊的蓮香樓裡洋溢著溫罊，
希望有緣再與茶友再遇吧。

然後，儘管是沒有特別的節目，
但經過了蓮香樓那際遇後，
今天做任何事都有種很特別的感覺。

晚餐在"PANDA"，
食物及環境比預期出色，
很喜歡那隻飛天大熊貓。
用新玩具拍下了漂亮的照片。
壓軸嘉賓是Mimosa的拿破侖蛋糕，
即使是不太好酥皮的我都覺得很Perfect，

在特別的日子裡，
與特別的人，
過了特別的一天。
That's just life!

<再戰>

今天孤身作戰進軍Level 2。
早已溫書溫得溫溫燉燉，
要一早起身的確不是易事。

出奇的順利地到達了機場，
太早了，坐在一角竭一竭。
逐漸，人頭湧湧。
再次，不少Level 2的考生忘記了遟入場的教訓。

開考，矇著眼看著長長的Case Studies。
然後擺出神探伽利略的招牌手勢，
在腦中找出相關的內容&Formula，
再拎起鉛筆瞎寫。
矛盾在有兩個情況。
當選擇中找不到計出來的答案，即便是計錯了啦。。
若選擇中有計出來的答案，心裡想：有沒有這麼容易呀，肯定有古惑。
這樣猶豫的心情下便完成了三小時的心路歷程。

Lunch time。雙眼像沙漠般的乾涸。

下午再開考，
所有人都學精了，提早進場。（唔見棺材，唔流眼淚囉。）
比上午更矇的雙眼。
一看到一大堆字的Ethic, Skip。
然後是信心十足的Econ題，正。
做完後心情便如Demand curve般下沉，
Derivatives題，唔熟，skip。
另一題，從未見過。skip。
然後，邊做邊skip的完成了60題。
Answer sheet中仍很多空格，
再一次由Ethic開始，
越看眼越矇。
辛辛苦苦的又捱了三小時。
收卷時雙眼發著白光，
心裡唱著：我的手這麼震，難受到興奮。。

然後，是久違了的行街活動，
然後，是豐富的日本料理大餐，
然後，夜探一下裝修中的新玩具。
然後，是放監的感覺。

<放監>

歷時兩個月，
超忙的閉關生活終於完結。
四月開始由攪按揭，追按揭，攪保險為序幕，
然後便是收樓，裝修，揀料，
中間當然大部份時間夾雜了溫書環節。
最近一個月更可謂不見天日。

雖然Level 2真係難左唔少，
亦放少左時間去溫。
但諗起辛苦咁耐，
終於可以抖一下，↑＿↑
考成點都已經不成問題了。
其實咁樣溫法就算考唔到都學到唔少野。

亦估唔到樓價真係升得咁快，
買左到而家已經升超過一成，
不過無論升跌中短期內應該都唔會賣住，
因為Trade樓既cost實在太大了。$＿$

好期待裝修完成，
雖然揀料時有點草率。
希望效果ＯＫ啦。

其實，需不需要來個house warming呢!??