<Lets Relax>

近期兩件令我抓哂頭既新聞。
第一個係雷曼班"苦主"
無疑蝕左錢係好慘，
亦唔排除有好多阿伯阿婆比人氹落疊。
撇除這些個別例子，
我真係唔覺得其他“苦主“有幾苦。
個個都唔係細路，有一定思考能力，
投資失利要搵人賠返minibond應收果part無問題。
但一眾師奶響新聞大大聲話唔係十足本金唔收，
咁同拎支槍去銀行攞錢有乜分別!?

跟住施政報告出場，
扔蕉事件簡直睇到Ｏ哂咁。
生果金要經審查，
只要條件唔係定得太過份，有咁大問題!?
跟住睇新聞透視，
入面話真係窮到要供養返自己仔女既老人家，
佢地通常係無申請生果金，
靠拾荒自力更新，
咁上電視大鬧既，
會唔會係成日炒股，
銀行有幾十個既闊太!?
至於而家既議員有問題真係要“出蕉“咁低能!?
睇黎立法會已經成為議員爭出住既舞台，
很多議員都被"長毛"化了。

又要學返廣告話齌，
放鬆下啦，香港人。