中秋。。

四點準時收工，，
落到街，，成掤人，，
原來四點變左係大時大節既法定放工時間。。

無節目，，
去左打沙包，，
一間大房，，
原本得我打沙包同一個女仔響度玩瑜珈，，
大家都相安無事咁過左陣，，（雖然我期間經常發出巨響。。）
無啦啦，，有條騎呢佬入左黎，，
響我攻擊範圍玩瑜珈（係騎呢瑜珈，相比起，，個女仔做得靚好多好多好多。。）
仲要玩埋露臍倒立。凸出一舊腹肌。。
無幾耐，，個女仔頂唔住終於離開。。
我就越踢越大聲，，
又無幾耐，，個騎呢佬都頂唔順走埋，，
靜。。。。。。。。。。。。。。。。。.

出完一身汗，，舒服，
搵相機袋，，
好快咁響尖咀一間馳名影相鋪搵到，，
Lowepro Off Road - $450~買。。

選購期間出現兩件事。。
一。來電。。老細，，有少少野搵，，打發左佢收線。。
二。ＳＭＳ！？係佢！？
意想不到有人會ＳＥＮＤＳＭＳ比我講中秋快樂喎，
十分驚喜，，都幾掂架，，不過太無厘頭，，
係咁，，同佢來往左幾個ＳＭＳ，，後話。。

返屋企，，
咦。。阿哥仲響屋企，，
仲帶埋兩個starbucks咖啡月餅返黎。。
由於肚餓，，響枱見野就食。。
總數有，，
一個迷你冰皮，，
四分一個傳統月餅，，
四分一個潮洲月餅，，
半個starbucks咖啡月餅，，
兩份水果同茶。。
嘩。。

夜。。
上網睇旅行資料，，
係，，我又去旅行。。
如果計埋年頭去尼泊爾橫誇既一日。。
呢次會係今年為止第四次離開香港，，有Ｄ痴線。。

期間。。又做我慣常動作，，
播演唱會聽歌，，
今次係古巨基同陳奕迅。。
咁又過中秋嚕。。

大家，，中秋快樂啦～