好耐無講下我既近況啦。。。

最近自己既工作驟減。。
（雖然仲有份要埋尾。。突然好懶添。。）
但係活動又多左喎。。
（睇黎我係停不了。。）

首先係Capoeira，，
開始熟習的節奏同動作，
乜都唔諗，跟感覺去做，真係好好多，
仲要苦練好型既Breaking踢腳動作。。

跟住就係潛水啦。。
感覺上比上次學好左架啦，，
自己原來真係咁少脂肪，，
希望下次可以唔用鉛帶落水啦。。

然後就係學識左包糭。。
係咪好驚訝呢？
不過其實之前幾想識，，
包落都幾好玩呀。。
三種款式，唔同尺碼，任君選擇。。
只係。。有得包，，無得食。。↑＿↑

下一樣，，爬龍舟。。
兩年前左右爬過，，，
一路都想玩返。。
不過感覺上上一次好好多，，
至少上次係水清沙幼既海灘，，
今次係發臭既城門河。。

接著落黎。。仲有幾樣排緊，
睇黎今個夏天將會破哂紀碌。。
雖然係咁，，
我仍然會盡量安排出席大家既討伐大會，或聯誼活動。。
詳情請與我秘書接洽。。